Graciano García va ser miembru d’honor de la Fundación Caveda y Nava

El sábadu 20 de payares, Graciano García, presidente eméritu vitaliciu de la Fundación Príncipe d’Asturies va ser nomáu patronu d’honor de la Fundación Caveda y Nava nes sos octaves xornaes, que como siempres van tener llugar en Villaviciosa.

Graciano García fundó nos años setenta la revista “Asturias Semanal”, onde apaeció la estaya Conceyu Bable, que dio entamu al surdimientu de la llingua asturiana y la so reivindicación moderna.

L’añu pasáu foi nomáu miembru Vicente Gotor, rector de la Universidá d’Uviéu; y n’otres ocasiones fueron nomaos Enrique Castro “Quini”, futbolista; Gabino Díaz Merchán, arzobispu d’Uviéu; o Emilio Marcos Vallaure, director del Muséu de Belles Artes.