Fuel Fandango aplaza hasta mayu’l so conciertu nel Teatru Palacio Valdés

Les últimes midíes sanitaries de contención contra la pandemia del COVID-19, col zarru perimetral d’Avilés, motivaron l’aplazamientu de los conciertos que la conceyalía de Cultura programara pa esta selmana. Asina, Fuel Fandango va actuar nel Teatru Palacio Valdés el 23 de mayu, ente que Leather Boys retrasa hasta’l 20 de febreru la presentación de “Born in the seventies” nel Auditoriu de la Casa de Cultura.

Nel casu de Fuel Fandango, el dúo conformáu por Nita Manjón y Ale Acosta, grandes esponentes del nuevu flamencu fusión n’España, el so primer conciertu n’Avilés diba celebrase esti vienres, 29 de xineru. Les entraes yá adquiríes para esa fecha van ser válides para la nueva. Sicasí, va unviase a quien yá les tener un corréu electrónicu nel que se-yos van dar les indicaciones pertinentes para efectuar la devolución.

Coles mesmes, les localidaes pa la nueva fecha del sábadu 23 de mayu, a les 19 hores, caltienen los precios d’ente 12 y 23 euros. Y podrán mercase nes canales habituales: la web https://entraes.liberbank.es/palaciovaldes, la Casa de Cultura, y el día del conciertu, na taquilla del Palaciu Valdés dende dos hores antes del empiezu.

Más información