Estopa va ufiertar n’Avilés el so únicu conciertu n’Asturies el 20 d’agostu

La conceyala de Festexos, Ana Hevia, anunció’l pasáu vienres 6 de mayu en rueda de prensa la incorporación a la programación festiva del mes d’agostu de conciertos de grupos nacionales. Estopa va actuar nel Complexu Deportivu Avilés el próximu día 20 d’agostu y va ser l’únicu conciertu que los hermanos Muñoz van ufiertar n’Asturies.

La recuperación d’esti tipu de conciertos foi unu de los compromisos de la concejala nel arranque d’esti mandatu. “Tamos faciendo un esfuerzu pa reforzar la programación musical del mes d’agostu con esti formatu de conciertos, bien reclamáu pol públicu. Tener la oportunidá de cuntar con un grupu como Estopa ye importante pa nós y tamos seguros de que la respuesta del públicu va ser bien positiva”, esplicó.

La conceyala recordó que “tamos a menos d’un mes del Campeonatu del Mundu de Duatlón que, amás de ser un acontecimientu deportivu de primer nivel, va ser tamién un eventu festivu cola so propia programación paralela a la competición que vamos dir esbilláu nos próximu díes”. Na rueda de prensa Hevia tuvo acompañada por Miguel Herrero de Claxón Producciones, productora del conciertu d’Avilés. Herrero dio a conocer el preciu de les entraes, de 28 euros nos puntos de vienta siguientes: Café Lord Byron n’Avilés, Llibrería Paradiso en Xixón y La Bomba Récords n’Uviéu. Tamién van tar a la vienta na www.ticketmaster.es (FNAC, Ferre Viaxes y Carrefour) con una comisión d’unos  3 euros. Y el día del conciertu en taquilla a un preciu de 32 euros. La vienta d’entraes foi activada güei mesmu na web oficial d’Estopa: www.estopa.com/conciertos