Esti miércoles proyectase “A esmorga” nel CMI Xixón-Sur

Dientru los actos del Festival Arcu Atlánticu de Xixón

Dientru los actos del Festival Arcu Atlánticu de Xixón, esti miércoles a les 19 hores ca proyectase nel CMI Xixón-Sur “A Esmorga”, un llargumetraxe n’Alta Definición, de 111 minutos, dirixíu por Ignacio Vilar, basáu na novela d’Eduardo Blancu Amor d’igual títulu. Cuenta como actores principales con Miguel de Llira, Antonio Durán ‘Morris’ y Karra Elejalde, nos papeles de Cibrán, O Boques, y Milhomes respectivamente. Rodada en 2014, dende’l 20 de xineru hasta’l 27 de marzu, en distintos llugares de Galicia; ciudá d’Ourense, O Carballiño, Ribadavia, Boborás, Monforte de Lemos, O Saviñao, Ferreira de Pantón y nel conceyu de Touro.

A Esmorga ta producida per Vía Láctea Films y Editorial Galaxa y estrenóse’l 15 de payares pasáu nel Festival de Cine Internacional d’Ourense y el 21 del mesmu mes en numberoses poblaciones de toa Galicia, pa empezar a proxectase na primavera de 2015 n’otros cines per España con gran ésitu de públicu. Foi la segunda película con mayor recaldación media en toa España la fin de selmana de l’estrenu.