Escritores encamienten al nuevu Gobiernu a “resolver” la incompatibilidá de pensiones y derechos d’autor

El presidente de la plataforma Siguir Creando y presidente de l’Asociación Colexal d’Escritores (ACE), Manuel Rico, encamentó la selmana pasada al nuevu Gobiernu tres les elecciones del 26-J a “resolver cuanto antes” la incompatibilidá de les pensiones y los derechos d’autor de los escritores.

D’esta manera, la compatibilidá de les pensiones y los derechos d’autor va siguir siendo’l caballu de batalla d’esta plataforma, que denunció nos últimos meses sanciones económiques a escritores por un supuestu incumplimientu de la llei. Rico apuntó a un posible Gobiernu del PP, recordando cómo esti partíu “amosóse renuente” a solucionar la citada incompatibilidá de les pensiones d’escritores. “A pesar d’esa postura, finalmente viéronse enchíos pola verdá de los fechos y a última hora apuntáronse a ufiertar una salida”, esplicó l’escritor.

Los escritores esperen la presentación d’una Proposición Non de Llei (PNL) na Comisión de Cultura que tien de retomase nesta llexislatura. Pa Rico la resultancia del 26-J “nun son positivos” pal gremiu, anque entiende que “va aselar” el panorama políticu, porque “ye previsible qu’haya Executivu”.

Asina, recordó que les sanciones pola pensión nun ye l’únicu ‘retu’ del sector, que nos últimos años sufrió un tarrecible retayu” n’inversiones y que tien que lluchar contra’l caltenimientu del 21% de IVA cultural nos llibros electrónicos.