Entamen nel Muséu del Pueblu d’Asturies les celebraciones pola llegada de la primer sidra

El Muséu del Pueblu d’Asturies, asitiáu en Xixón, acueye dende güei les actividaes del primer “Asturianada y Sidre”.

Güei, a les cinco la tarde entama’l programa con Mariluz Cristóbal, Carlos Rubiera, Andrea Cueli y Francisco Queipo, tando a la zanfona Celia González, y a la gaita Llorián García.

Mañana sábadu, 3 d’abril, va ser el turnu d’Anabel Santiago, Héctor Braga, Noemí Torrado y Raúl Díaz, que van siguir la música de Llorián García a la gaita, y del propiu Braga al arpa. Les actividaes entamen tamién a partir de les cinco.

La xornada va termina el domingu, nesti casu con entamu a les 12 y coincidiendo cola celebración del Rastru de Xixón na redolada. Van cantar nesta ocasión Marisa Valle y el so hermanu Fernando, Lorena Corripio y José García. A la instrumentación van tar Xaime Arias col pianu, y Llorián García de nuevu a la gaita. Les actuaciones va presentales Xosé Mª García “Llábana”.