Entama’l festival ART Nalón Escena con “La penúltima cena”

Esti domingu caberu de setiembre entamó’l festival “ART Nalón Escena” cola representación de la obra “La penúltima cena”, de la compañía madrilena Medea 73 con una función que tuvo llugar a les 20:00 hores nel Teatru Nuevu de La Felguera (en conceyu Llangréu).

L’autor de “La penúltima cena” ye Fabio Rubiano y nesta función cuntó con Fabián Gómez B. y Lorena Briscoe como intérpretes.

“La penúltima cena” xira alrodiu d’un alcuentru ente Xudes Iscariote y María Madalena, calterizaos como terrorista zelote y exprostituta. El montaxe de Medea 73 desendólcase nuna estructura escénica en forma de cruz, faciendo posibles les rellaciones ente intérprete y espectador con un formatu dafechamente novedosu.