Entama’l cursu 2015 con menos escolinos

El cursu entamaba esti día con un pequeñu amenorgamientu d’escolinos n’Infantil y Primaria: 137 neños menos que l’añu pasáu, pèrembaxo los 70 rapacinos y rapacines. Los problemes entamen a iguase tanto a nivel del Principáu como en Xixón, onde’l programa 11×12 emepcipia esti llunes.

El cursu escolar entamaba esti xueves día 10 nos ciclos d’Infantil y Primaria y facíalo con 137 escolinos y escolines menos en comparanza col añu pasáu. En total yeren 69.018 los neños y neñes de segundu ciclu d’Infantil., lo que van de 3 a 6 años, y de Primaria, los de 6 a 12, los que yá s’incorporaren güei a les aules. L’amenorgamientu nes aules nótase especialmente n’Infantil, onde hai un descensu tantu na rede pública, onde’l númberu baxa en 277, como na alcordada, con 252 menos, y en Primaria de los colexos alcordaos, onde se rexistra una baxada de 160. Sicasí’l númberu d’escolinos y escolines d’esta etapa cabera na pública aumenta en 552.

En total, el 71% del alumnáu va allegar a colexos públicos y el 28,12% los alcordaos.El conseyeru d’Educación, Genaro Alonso, presentó ayeri los datos acompañáu de tol so equipu y güei asistió a l’apertura oficial del cursu, nel Colexu Públicu d’Educación Básica de Cabanaquinta, n’Ayer, mentantu que pela tarde tien acutao dir al pieslle de la Universidá Asturiana de Branu nel Paraninfu de la Universidá d’Uviéu.