Entama la Xunta d’Escritores Asturianos na Biblioteca del Campu San Francisco d’Uviéu

Güei entama n’Uviéu la Xunta d’Escritores Asturianos 2008, trés díes nos que la Biblioteca del Campu San Francisco d’Uviéu va convertise en llugar pa la reflexón sobre “Lliteratura asturiana y compromisu”, tema central de les xornaes, y sobre otres cuestiones venceyaes a la nuesa lliteratura. La primer cita, esta tarde a les 16,30 hores cola presentación de les xornaes de la Xunta d’Escritores y la inauguración de la esposición de pintura de Violeta Matéu.

Darréu, a les cinco la tarde, va presentase’l llibru “El conceptu xeneracional, Actes de la Xunta d’Escritores Asturianos 2005” d’Ediciones Trabe y con ensayos d’Ánxel Álvarez Llano, Pablo R. Medina, David Rivas, Humberto Gonzali, Chechu García, Ánxel Rodriguez, Helena Trexu y otros, amás d’una amuesa poética.

A les 17,30 Carlos Rubiera va falar de “El compromisu del escritor asturianu más p’allá de lo estético” y a les seis va presentase’l llibru “Perreríes” de Pablo R. Medina, cola intervención de Silvia Cosío d’Ediciones Suburbia.

El coordinadora de la Xunta d’Escritores 2008, Xaviel Vilareyo, va falar a les 18,30 hores, de “Cine asturianu: una hestoria de cien años”. De siguío, a les siete, Bertu Ordiales va lleer la comunicación “Toponimia d´orixe botánicu n´Asturies”. A les 19,30 Helena Trexu falará del “Compromisu de xente ensin papeles”, a les 20 hores va presentase’l llibru “Mitos de Xixón”, de Bertu Alvarez Peña, a cargu de Milio R. Cueto.

El pieslle a la primer xornada de la Xunta va ponelu a les 20,30 hores, la presentación del llibru “La nación asturiana” de Carlos X. Blanco, editáu por Espublizastur.

Númberu especial de Lliteratu sobre la Xunta d’Escritores 2008