Entama la VI Selmana de Teatru n’Asturianu de Carbayín

Güei vienres entama la VI Selmana de Teatru n’Asturianu de Carbayín, en Siero. Va ser nel Centru Polifacéticu de Carbayín Altu a les 20:30. Una selmana na que van participar cinco compañíes del país. Amás esti certame, inclúi per segundu añu consecutivu, la entrega de premios al meyor actor, meyor actriz, meyor dirección y meyor obra.

é Ramón Oliva, director del Grupu de Teatru Carbayín anunció qu’esti añu, amás del tradicional teatru costumista, el certame va tar abiertu a tou tipu de teatru n’asturianu. Les xornaes de teatru cunten col patrociniu de la Conseyería de Cultura, el Patronatu Municipal de Cultura de Siero, Caxastur, la Federación Asturiana de Grupos de Teatru Amateur y Electra Carbayín y tienen un presupuestu de 6.000 euros.

Nesta selmana van participar la Compañía Asturiana de Comedies, el Grupu de Teatru Rosario Trabanco, Telón de Fondo, Teatru Electra y Teatru Carbayín, que van representar la so célebre obra ‘La maldición de la pita roxa’.

Páxina de Teatru Carbayín