Entama “Empobina Express”, un programa p’ameyorar la empleabilidá

Dende esti llunes 24 d’abril y mientres trés díes el Telecentro Municipal d’Uviéu va acoyer una nueva edición del programa Empobina Express nel que mientres dos hores y media les persones participantes van sometese a un procesu rápidu de revisión y entrenamientu en ferramientes básiques pa la busca activa d’empléu y onde se-yos va evaluar el nivel de competencies dixitales que tienen valorando si son acordes a los nuevos requerimientos del mercáu.

Amás, va ayudáse-yos a afayar el rol que desempeñen dientro d’un grupu de trabayu y a que conozan tolos recursos que la conceyalía d’empléu ufierta a la ciudadanía para sofitar el so procesu d’insertamientu llaboral.

Mientres l’itinerariu d’asesoramientu cada participante va recibir sofitu de siete espertos que los van ayudar a ameyorar les sos competencies llaborales n’aspeutos tan importantes como la revisión del so currículum, cómo encarar una entrevista de trabayu, revisión de les sos redes sociales profesionales, analises de competencies dixitales o sofitu a la d’afayar el so meyor rol profesional.

Como asocedió nes anteriores ediciones, la bona acoyida de l’actividá supunxo un nuevu ésitu de convocatoria escosándose en pocos díes les 21 places ufiertaes.