Portada Música Enol Ensemble en conciertu pa finar el mes

Enol Ensemble en conciertu pa finar el mes

by redacción asturnews

Esti miércoles 30, eEnol Ensemble va ufrir un conciertu nel que va repasar los sos dos años de granible historia na escena musical.

Enol Ensemble ye una agrupación modular que’l so interés ye investigar na música de cámara esquizando diverses formaciones, estilos y dómines col enfotu de faer llegar al públicu un repertoriu ampliu que non siempres ye bono d’escuchar en sales de conciertu.

El proyectu foi presentáu nel 2017 nel Muséu “Evaristo Valle” de Xixón. En febreru de 2018 el Enol Ensemble debutó na Sociedá Filarmónica d’Uviéu colos Cuartetos con pianu de Brahms y Schumann, llogrando un gran ésitu de públicu y crítica. Realizaron una serie de conciertos coles Variaciones Goldberg de Bach en versión para tríu de cuerda en llugares como’l Templu de Debod en Madrid, Xixón, Sintra (Portugal) y nel Centru Niemeyer d’Avilés. Cerraron la so primer temporada na Fundación Vital de Vitoria. Próximos proyectos inclúin el Festival de Branu d’Uviéu, Festival de Música Española de Llión y Sociedá Filarmónica de Xixón.

PROGRAMA

I Parte Antonín
Dvorak: Cuartetu con Pianu Nº2 n’El mio bemol mayor, Op. 87 (33′)

II Parte Salvador
Brotons: Cuartetu con Pianu Op.48 “A celebration of living”. (19′)
Joaquin Turina: Cuartetu con Pianu en La menor, Op. 67 (18´)

Miércoles 30 d’ochobre, 20.00h – CLÁSICA

Entama: Sociedá Filarmónica de Xixón

Formación:
Adolfo Rascón (violín)
Cristina Gestido (viola)
Teresa Valente-Pereira (violoncello)
Mario Bernardo (pianu)

Tamién te podria gustar