EMVISA destina 105.000 euros n’ayudes a estudiantes pa compartir vivienda

La Empresa Municipal de la Vivienda destina 105.000 euros n’ayudes a estudiantes pa compartir vivienda en Xixón. Tratase d’un programa municipal dirixíu a facilitar l’accesu a la vivienda compartida a moces d’ente 18 y 25 años que se muevan a Xixón pa estudiar o que, por cuenta de los sos estudios, quieran independizase de les sos families.

La finalidá d’esta convocatoria ye favorecer el procesu d’emancipación, promover l’autonomía personal y facilitar la llegada d’estudiantes d’otres localidaes o autonomíes a Xixón.

En concretu, bonificase ente’l 25% y el 50% de la renta mensual de la vivienda mientres el periodu entendíu ente los meses de setiembre y mayu, dambos incluyíos. La duración máxima de l’ayuda va ser equivalente a 4 periodos académicos (36 meses) pa estudiantes de Grau; 2 periodos académicos (18 meses) pa quien cursen Formación Profesional de Grau Medio 2 periodos académicos (18 meses) pa quien cursen Formación Profesional de Grau Cimera 2 periodos académicos (18 meses) si realicen estudios de Post-grau y Másters.

Coles mesmes, los arriendos nun van poder superar los 450 euros de renta máxima mensual pa la vivienda compartida con otra persona, nin los 200 euros al mes per habitación en casu de que se comparta con dos persones más. Esti requisitu ye una novedá respecto al programa anterior, facilitando asina l’accesu d’un mayor númberu d’estudiantes.

El plazu pa solicitar estes ayudes va permanecer abiertu hasta’l 15 d’ochobre. Les solicitúes pueden realizase presencialmente na see de EMVISA con cita previa o al traviés de la oficina virtual.
Infórmate nesti enllaz de les condiciones y requisitos y apuerta a les solicitúes pal programa d’ayudes pa compartir vivienda