Portada Conceyos L’Alcalde d’Uviéu visita los 100 kilómetros de rutes recuperaes n’El Naranco

L’Alcalde d’Uviéu visita los 100 kilómetros de rutes recuperaes n’El Naranco

by Próspero Morán

Alfredo Canteli, y Javier Cuesta, visitaron esta mañana los trabayos que se llevaron a cabu al traviés de los planes d’empléu municipales pa la recuperación del Monte Naranco. L’inxenieru encargáu de los trabayos, Valeriano Gi, especificó que “se recuperaron seis itinerarios interconectaos que taben cubiertos pola maleza –toos lleven un QR pa percorrer la ruta ya inclúi información-, elementos etnográficos y árees recreatives.

El mayor de los itinerarios, puntualizó “ye ún circular que sale de La Corredoria escontra l’Asturcón y da la vuelta al Naranco. En total recuperáronse unos 100 kilómetros de rutes, que tán identificaes con paneles nes mesmes rutes y una páxina web que ta en construcción nes que va haber muncho más información. Agora solo falta’l caltenimientu. Participaron 60 trabayadores nestes xeres”.

L’Alcalde, Alfredo Canteli, estimó’l gran trabayu que se fixo y güei ye una formosa realidá. “Recuperóse El Naranco pa los uvieinos y los asturianos. Ye bien bonu qu’Uviéu recuperara esti gran pulmón cola que tan venceyáu toi. Ye fundamental caltenelo y nesa llínea tamos”.

El conceyal Javier Cuesta especificó que “tenemos dos planes d’empléu en marcha pa llanzar el próximu mes y cuatro talleres y escueles taller, que combinen formación y emplego remunerado. L’empléu ye’l nuesu retu y el fin últimu ye dar alternatives profesionales pa ensertar a persones n’otros sectores, creando nuevos nichos d’empléu. Hai que recuperar l’actividá económica y l’empléu acomuñáu nel conceyu. Tenemos munchos ámbitos abiertos en construcción, curiáu personal, rehabilitación de zones verdes, amás de l’Axencia d’allugamientu”

Tamién te podria gustar