Empieza’l programa Bono Xixón con 660 establecimientos

Los 100.000 bonos yá tán disponibles nos 660 establecimientos participantes nel programa Bono Xixón, el programa promocional creáu pol Conceyu de Xixón al traviés de Xixón Impulsa, pa fomentar el consumu n’establecimientos de Xixón y facilitar la recuperación de l’actividá comercial, cultural y hostelera del conceyu.

La ciudadanía ta pudiendo utilizar los bonos dende’l martes 27 d’avientu, y van tar disponibles mientres un mes o hasta que los establecimientos escosen los bonos. Nel casu de que trescurriera esi mes y queden bonos por trocar, va abrise un nuevu períodu de vienta, redistribuyendo los bonos sobrantes.

Anguaño hai una única categoría de bonos pa les pequenes empreses de los sectores de comerciu, cultura y hostelería, con un descuentu de 10 euros pa una compra mínima de 30 euros (20 euros apurríos pola vecería y 10 euros d’aportación municipal). Nesta ocasión, van ser los establecimientos xuntaos los que troquen los bonos en cada compra. La vecería solamente va tener que presentar el so DNI y va ser l’establecimientu l’encargáu de realizar la xestión. Cada persona va tener accesu a un total de 12 bonos, pudiendo utilizar un máximu de cuatro per compra.

Más información