Eminem llanza per sorpresa un nuevu discu, ‘Kamikaze’

El raperu Eminem llanzó hai una selmana al mercáu, ensin previu avisu, un nuevu álbum d’estudiu tituláu Kamikaze , presentáu con unes curties palabres al traviés de la so web oficial: “Intenté nun da-y munches vueltes a esto… Esfrutáilo”.

Faciendo un homenaxe al álbum de Beastie Boys “Licenced to Ill” (1986), el décimu discu d’estudiu del artista estadounidense recueye 13 cortes nuevos qu’inclúin, como remate, el cantar que preparó pa la banda sonora orixinal de la película Venom , del mesmu títulu.

El mesmu Eminem exerció de productor executivu del discu xuntu a Dr. Dre ya inclúi collaboraciones nesti apartáu, ente otros, de Swish Allnet, Fred Ball (quien primeramente trabayó con Rihanna o Beyoncé) y Boi-1da (Drake, Nicki Minaj).

Amás destaca la participación vocal na tema Kamikaze de Justin Vernon, más conocíu pol so alter ego artísticu de Bon Iver, y la de los raperos Joyner Lucas, Jessie Reyez, Royce da 5’9””, según el “sampleado” de la tema “Greatest” de Kendrick Lamar que realiza en “Humble”.