EL TSXA obliga a revisar el númberu mínimu d’alumnos na alcordada

EL Tribunal Superior de Xusticia d’Asturies (TSXA) vieno acabante decidir que va obligar a revisar el númberu mínimu d’alumnos na enseñanza alcordada y declara nulu’l resolvimientu de la conseyería sobro les ratios esixentes pa caltener unidaes por nun tener en cuenta’l factor profesor.

Los tribunales dan la razón a la enseñanza alcordada na so particular batalla contra les ratios d’alumnu per aula nuna cuestión enforma importante. Los centros privaos alcordaos pueden tener un máximu de 25 alumnos per clase. El númberu mínimu varia en función de cada conceyu y la conseyería tendría d’establecelo porque asina vien recoyíu nel reglamentu nacional de conciertos de 1985. Pa ellos tenía de tener en cuenta la relación media alumnáu/profesor por unidá escolar. La cuestión ye que, en realidá, esa riegla nun se cumplía porque, sigún esplica Juan Luis Barrera, del sindicatu Otecas, «Educación esaniciaba’l factor profesor». Y si nun se llega a la ratio, los centros cuerren el riesgu de que la conseyería ordene’l zarru de les unidaes que nun algamar esi númberu mínimu. Nel cursu 2017 fueron 28.

Otecas impugnó l’añu pasáu’l resolvimientu de la conseyería qu’afitaba esos criterios y agora el Tribunal Cimeru de Xusticia d’Asturies (TSXA) acaba de fallar al so favor. Nuna sentencia con fecha del 29 de xunu que’l sindicatu de l’alcordada conoció ayeri, declara nulu’l resolvimientu d’Educación porque «cadez d’una falta de motivación total y absoluta», omite la variable profesor «ensin que medie razonamientu dalgunu sobre la mesma» y porque nun foi sometida a informe previu del Conseyu Escolar del Principáu. Contra la sentencia de la TSXA cabo presentar recursu de casación ante’l Tribunal Supremu nun plazu de trenta díes.