El programa “Uviéu vive les sos places” llega esti sábadu a Les Campes

El proyectu de la área de Participación Ciudadana para dinamizar los espacios públicos en collaboración colos vecinos va llegar estabi sadu a Les Campes y a finales de mes a Olivares y Ciudá Naranco.

La Plaza de l’Araña, detrás del consultoriu de salú, va ser l’escenariu de les actividaes del programa “Uviéu vive les sos places” en Les Campes, esti sábadu, 16 de setiembre. Ye unu de los espacios más apropiaos del barriu para realizar actividaes de dinamización colectiva, según espliquen persones del movimientu vecinal de la zona. La vicealcaldesa Ana Taboada averóse al barriu para conocer los detalles d’esta actividá que s’impulsa dende la so área de gobiernu municipal.

A partir de les cinco de la tarde va haber xuegos infantiles, spinning, runfa, un circuitu d’actividaes biosaludables para xente más veterano; a les 19 va actuar la Banda de Gaites Ciudad d’Uviéu y, de siguío, va haber un concursu de tortielles y xuna espicha popular. A les 21,30 l’alcuentru festivu va rematar con un conciertu de Nymerians. Toes estes actividaes fueron decidíes y diseñaes en collaboración cola Asociación de Vecinos de Les Campes, en conexón tamién colos negocios y el texíu social del barriu.

El programa “Uviéu vive les sos places” tien la la finalidá de potenciar l’usu de los espacios públicos y la cohesión del texíu social de los barrios. La vicealcaldesa recordó que se siguen perfilando programaciones n’otros barrios de la ciudá. Asina, les próximes ediciones van tener llugar a finales d’esti mes n’Olivares (25 de setiembre) y Ciudá Naranco (30 de setiembre).