Gastronomía El Principáu comprométese a financiar al 50 por cientu les futures campañes de promoción de la sidra by asturnet 24 d'agostu, 2004 written by asturnet 24 d'agostu, 2004 18 El Gobiernu autonómicu sufragará al cincuenta por cientu futures campañes de promoción de la sidra y d’otros alimentos acoyíos a denominación d’orixe. Esi ye’l compromisu qu’ayeri asoleyó la conseyera de Mediu Rural y Pesca del Principáu, Servanda García, pa quien les marques de calidá de productos agroalimentarios “nun tienen sentíu” si nun son publicitaes. Por esa razón, y nel trescursu d’una entrevista radiofónica concedida a la cadena Cope, García fizo un llamáu a aumentar l’ayuda económica del Principáu a l’espoxigue y consolidación de productos con denominación d’orixe, y destacó la sidra como’l que debe centrar los mayores esfuerzos, con un esfuerzu notable de publicidá nel esterior d’España. Les declaraciones de la titular de Mediu Rural lleguen nos díes previos al llanzamientu d’un plan de promoción de la sidra natural asturiana que cuenta col aval de la Ministra d’Agricultura, Elena Espinosa, y que’l Gobiernu autonómicu empezará a diseñar en setiembre con un envís central: Abri-y nuevos mercaos a la bebida tradicional d’Asturies. En principiu, esa campaña centraráse n’espardir el consumu de sidra nel ámbitu estatal, con ‘saltos’ al circuitu internacional al traviés de la presencia n’eventos feriales y ceñida a la sidra acoyida a la denominación d’orixe, magar que los llagareros camienten que la campaña beneficiará tamién a la sidra ayena a esa marca de calidá. 0 FacebookTwitterPinterestEmail Anterior Les peticiones d’escritores pa ellaborar obres subvencionaes duplicáronse nun añu siguiente La fiesta xixonesa de la sidra natural aconceya a 28 llagares, dos más que l’añu pasáu Tamién te podria gustar El Trasiegu Fest conclúi col envís de poner... Vuelven los Taragaños del Cofrade a Uviéu Presentáu’l segundu capítulu de ‘Gijonomía’: una hestoria de... Visita Xixón llanza l’I Concursu de Cachopos 36 restoranes embaxadores el Desarme van donar 400... Mediu centenar d’establecimientos participen na XII edición de... Santander acoyía la presentación de les Xornaes del... La Selmana la Tapa 2022 tará en 26... Entama l’Oktoberfest ¡La fiesta de fin de Branu... Divertia robla un branu de récord