El PP de Lleón da marcha atrás a la normalización del asturianu entamada por UPL

El Conceyu de Lleón yá nun va ufrir los sos documentos en billingüe, dempués de venir faciéndolo va años, por mor del pactu ente PSOE y UPL na vieya capital del Reinu. L’entós Conceyal de Cultura Lleonesa, Abel Pardo, dio-y puxu a estes polítiques de normalización que’l nuevu conceyal, Juan Pablo García, asegura son “inviables”. Pal edil, del Partíu Popular, que dende mayu gobierna Lleón, “agora mesmu ha aplicase’l sentíu común, y a día de güei nun s’usa’l lleonés de forma cotidiana”.

Sicasí, el conceyal afirmó en declaraciones a Diario de León qu’esta midida regresiva pa la llingua asturiana “nun supón que nun se vaiga potenciar l’usu del lleonés nel ambitu educativu, pa quien lo requiera”.