El Partíu Socialista gana les elecciones y llogra 169 escaños

Col 99,99 % del total de los votos escrutaos, el ganador d’estes elecciones ye’l PSOE. Los socialistes algamen 169 escaños con 11.057.250 votos frente a los 10.164.494 del PP, que consigue d’esta forma 154 diputaos nel congresu. Izquierda Unida pela so parte, saca tres diputaos con un total de 962.548 votos frente a los cinco qu’algamare nos comicios de 2004.

N’Asturies los ocho diputaos repártense a partes iguales pa PP y PSOE. Izquierda Xunida-Bloque por Asturies-Los Verdes nun va tener representación nel congresu por mor de nun ser suficientes los 49.294 que contabilizó, un 7,35% del total.