El Gobiernu central va suspender por decretu llei los efectos académicos de les reválides

El Gobiernu central va aprobar un decretu llei nel que se van suspender los efectos académicos de les reválides d’ESO y Bachilleratu «non solo anguaño sinón hasta que tengamos un Pactu Nacional pola Educación». Méndez de Vigo calcula que’l resolvimientu, que va tener que convalidar el Congresu, va tar aprobada nes «primeres selmanes d’avientu» y que «va entrar darréu a valir».

«¿Si en 1978 pudimos llograr la Constitución del consensu, por qué agora nun vamos ser capaces d’algamar un pactu nacional pola Educación?». El ministru del ramu, Íñigo Méndez de Vigo, faía con esta frase un llamamientu a los distintos grupos políticos, ayeri, nel Congresu de los Diputaos nel alderique de la proposición de llei presentada pol PSOE pa la suspensión del calendariu de la implantación de la Llei Orgánica pa la Meyora de la Calidá Educativa (LOMCE). Y amás de garantizar qu’a consiguir esi alcuerdu «van dir tolos esfuerzos», comunicaba una midida inmediata.

Antes va celebrase, el próximu día 28, una conferencia sectorial ente los conseyeros d’Educación de les comunidaes autónomes y el ministru, que s’amosó «abiertu» a les propuestes que puedan tresllada-y. Y anque dixo que nun se cierra a nada», confirmó que dambes reválides van realizase esti cursu. Sobre esti últimu aspeutu, incidió en que la prueba d’ESO va tener calter diagnósticu.