Comunicación El gobiernu asturianu ordena’l peslle de la señal de TeleAsturias by asturnet 1 de marzu, 2007 written by asturnet 1 de marzu, 2007 64 El vienres 2 de marzu a les 13.00 hores Retevisión va dexar d’emitir la señal de TeleAsturias. El Viceconseyeru d’Alministración Pública y Presupuestos, Luís Iturrioz, unvió una carta al Director Xeneral de Retevisión pa que proceda al corte de les emisiones “pa dexar pasu a les emisiones de la televisión dixital”. Dende la canal privada de televisión consideren el xestu del gobiernu como “dictatorial” al pesllar la emisión a pocos meses de les elecciones. Nel comunicáu emitíu por TeleAsturias se diz que l’argumentu d’Iturrioz ye “que se tien que dexar pasu a les televisiones qu’algamaron la concesión de TDT”. La concesión de les canales de TDT p’Asturies fízose’l 26 de xineru, y según el comunicáu de TeleAsturias les canales qu’algamaron la concesión entovía nun tienen la infrastuctura afayadiza pa entamar les sos emisiones”. Dende TeleAsturias tán valorando la posibilidá d’emitir mediante la so rede privada de repetidores, ayena a la de Retevisión, sicasí la cobertura de los mesmos sería sólo pa Uviéu y Xixón. La señal de TeleAsturias se pue recibir tamién per internet a través de la so emisión dixital. Actualmente la plantiya de trabayadores de TeleAsturias ye de 50 persones que podríen perder el so puestu de trabayu a partir del 2 de marzu. L’apagón analóxicu ta previsto nel Estáu pal añu 2010, cola escepción de la provincia de Soria que lu va facer en 2008 como preba piloto. Durante esti tiempu taba previsto que les emisiones n’analóxico y dixital convivieren. Retevisión, perteneciente al grupu Abertis, ye la empresa concesionaria de la retransmisión de les señales de televisión nel Estáu español. La empresa ye la consignataria del mantenimientu de la rede de postes repetidores de la señal de televisión y radio nel Estáu español. Tele Asturias 0 FacebookTwitterPinterestEmail Anterior El Conceyu Abiertu pola Oficialidá inauguró la III Amuesa d’Obres d’Arte pola Oficialidá de la Llingua Asturiana. siguiente Gala de la Emigración Asturiana Tamién te podria gustar La normalización llingüística afitase dafechu nel Parlamentu La Delegación asturiana en Lorient protagoniza la xornada... Blanca Fernández foi la pregonera de la XXVII... Los partíos nacionalistes d’Asturies descarten presentase a la... La TPA recupera 40 años depués el resume... El Principáu y la UOC firmen un conveniu... David Guardado presentó “Nunca Vencida” en Xixón Asturies destaca en comprensión llectora AFA presenta na Escuela Comerciu de Xixón el... Uviéu programa’l ciclu Vetusta Jazz con artistes como...