El gaiteru Jesús Fernández, ganador en Lorient esti añu, foi homenaxeáu en Ayer

L’alcalde d’Ayer, David Moreno Bobela, recibió’l vienres pasáu na Casa Conceyu a Jesús Fernández, el gaiteru alleranu qu’algamara esti añu’l Troféu McCrimmon nel Festival Interceltique de Lorient. El músicu ye natural d’El Casar y quixo averar el so triunfu al so conceyu de nacencia, al mesmu tiempu que’l Conceyu d’Ayer quixo homenaxar a Fernández por algamar ún de los premios más nomaos palos gaiteros asturianos y gallegos.

Jesús Fernández ya se presentara dellos años al concursu, nel que los participantes han interpretar temes asturianos, gallegos y bretones.