El Xuráu da-y a Teverga’l Premiu al Pueblu Exemplar 2013

La comunidá vecinal de Teberga foi galardonada col Premiu al Pueblu Exemplar d’Asturies 2013, que concede la Fundación Príncipe d’Asturies. El Premiu al Pueblu Exemplar d’Asturies ta destináu al pueblu, aldega, núcleu de población, espaciu paisaxísticu o grupu humanu del Principáu d’Asturies que destacara de manera notable na defensa y caltenimientu de la so redolada natural, ambiental, del so patrimoniu históricu, cultural o artísticu, o tamién na realización d’obres comunales o otres manifestaciones de solidaridad sobresalientes”.

El galardón convocose per primera vegada en 1990, al cumplise’l décimu aniversariu de la Fundación, y tien una naturaleza y calter distintos a los Premios Príncipe d’Asturies. Nesta edición allegaben un total de 30 candidatures.