Portada Comunicación AsturCon abre esti sábadu en Xixón el mundu la fantasía a los asturianos

AsturCon abre esti sábadu en Xixón el mundu la fantasía a los asturianos

by redacción asturnews

AsturCon, la primer Convención de Fantasía Asturiana abre a les 12 hasta les 14.30 hores y dende les 16.30 hasta les 21.00 hores en Xixón pa que los aficionaos al xéneru fantásticu  asistentes puean esquizar y esfrutar en Llaboral Ciudá de la Cultura los mundos fantásticos que se reflexen nos llibros de distintos autores asturianos.

Nel eventu van poder participar escritores de fantasía que sían asturianos o vivan n’Asturies. A lo llargo de la xornada celebrarán cinco meses redondes nes que se van tratar distintes temátiques: El Legu de la maxa, Mitoloxía cuántica, La fábrica d’héroes, Especies diverses y El círculu máxicu de rol.

Amás, va entamase’l primera Speed-datin ente autores y editores del xéneru fantásticu d’Asturies. Nél el escritores van poder esponer la so hestoria, que tien de pertenecer a dalgún xéneru fantásticu (ciencia ficción, distopias, terror…), mientres cinco minutos a distintes editoriales participantes. Pa poder participar tendrán de inscribise primeramente na páxina web del eventu.

“La fantasía, la ciencia ficción, l’horror y el rol manden n’Asturies. Son los reis, vamos. Yá seya con una espada máxica, yá seya con un cañón de pulsos o un viaxe intraplanetariu, los fans de lo fantástico yá nun piden permisu, nin perdón. Agora somos el carneru la llueca”, Con esta presentación entama esti sábadu na Llaboral Ciudá de la Cultural la Convención

La primera de les sesiones lleva per títulu El Lego de la maxa y va centrase nos sistemes de maxa que son los lladriyos colos qu’un autor construye una novela fantástica. ¿Cómo funcionen? ¿Qué tipos esisten? ¿Cómo aplicalos ensin alloriar y calteniendo’l sentíu de la narración? ¿Por qué manca tanto pisar una pieza de Lego?

La segunda de les meses redondes va ser yá pela tardi y va centraze en “Mitoloxía cuántica”. La mitoloxía asturiana bebe de tradiciones milenaries, xuncíes y al empar distintes a les d’otros pueblos europeos qu’anguaño son la base de la ciencia ficción y la fantasía anglosaxona. ¿Pue un nuberu ser un primu hermanu de un Istari? ¿Dispón la güestia d’un portal fabricáu en Raticulín para venir a esti mundu dende’l más allá?

El restu la xornada van desenvolvese otres tres meses redondes: La fábrica d’héroes, Especies diverses y El círculu máxicu del rol. La fábrica de héroes axunta a trés autores, trés tipos de personaxes y cómo los construyeron. Dende’l saltiáu uvieín de Drácula, pasando per un nigromante que nun quier destruyir el mundu, o una revisión del camín del héroe.

De 12:00-14:30 y de 16:30-21:00 habrá tamién venta de Llibros nel Atriu del Centru d’Arte.

Tamién te podria gustar