El G-20 quier finar darréu coles prerrogatives de los paraísos fiscales

El plantegamientu del G-20, que cuntaba col sofitu del presidente Rusu, Vladimir Putin, na acoyida de los demás socios polítiucos qu’aportaron esti día pala xunta en Moscú del Grupu, entama a partir d’una propuesta de la OCDE, similar a una iniciativa de EEXX, (conocida como FACTA poles sos sigles n’inglés) que ye ellaborar un modelu d’alcuerdu, al que puedan xuntase les autoridaes tributaries de los países que se sumen al sistema automáticu d’intercambiu.

Tres l’adaptación del alcuerdu a la lexislación nacional, podrá esixise a les entidaes financieres qu’apurran cada añu diversos datos de los sos veceros a una plataforma a la que van tener accesu les autoridaes tributaries de los países implicaos. Amás, va establecese la obligación de que los trusts y otru tipu de fundaciones revelen a esta plataforma qué persones les controlen.

La OCDE cree posible establecer les condiciones llegales y les indicaciones sobre como arrexuntar la información en xunu de 2014, pero dio por fechu que’l sistema nun va tar operativu hasta, “siquier, 2015”. Saint-Amans sostuvo que, si la propuesta recibe l’aval de los líderes de les economíes ricu y emerxente, el G20 tamién va reclamar al restu de países que se sumen a la iniciativa, anque refugó nueva llistes negres.