El Conservatoriu d’Avilés pon en marcha un Cursu d’Órganu

El Conservatorio Municipal Profesional “Julián Orbón” entama un taller-aula abierta d’introducción al órganu y la so música. Esti cursu va tar impartíu pola profesora Judit Busquets y los asistentes van poder realizar un acercamientu prácticu y teóricu a esti preséu.

El taller ta dirixíu a alumnos y alumnes del Conservatoriu y tien l’oxetivu de familiarizase y dar a conocer dichu preséu. Por eso, p’asistir y conocer meyor el so funcionamientu, técnica y repertoriu, nun ye necesariu tener estudios previos de pianu o órganu.

Les sesiones van tener una hora de duración y van llevase a cabu tolos miércoles d’esti mes de febreru. Va Ser de 16.00 a 17.00 nel edificiu amestáu al Conservatorio (aula Ramón de Garay), asitiáu na Plaza Domingo Álvarez Acebal, númberu 5.

Per otru llau, cualquier alumnu/a oficial o collaborador/a del Conservatoriu pue participar de forma práctica (máximu 3 por sesión) o como oyente. Pa ello va tener que ponese en contactu cola profesora con aprosimao una selmana d’antelación o rellenar un formulariu que puede descargase en www.aviles.es y va tener qu’apurrise na conserxería del Conservatorio.

Descargar formulariu p’asistir.