El conciertu FMM entemez música y poesía nel Pueblu d’Asturies

Esti 4 de xunetu a les 13:30, l’escenariu asitiáu nel Tendayu nel Museu del Pueblu d’Asturies de Xixón va acoyer el conciertu “Fantásticu Mundu de Mierda” (FMM) qu’axunta música Pop-rock-folk, new-pop y poetic-pop, con entrada gratuita hasta enllenar l’aforu.

La idea primixenia de “Fantásticu Mundu de Mierda” ye trabayar entemeciendo música y poesía, dos llinguaxes que tresmiten sensaciones, más que mensaxes concretos, y que, al empar, dexen una interpretación abierta y suxetiva. Tres un fondu folk y pop que, nun principiu, convida a una dixestión fácil, asoma una llírica non tan masticable y que rique un ciertu esfuerzu o, quiciabes, predisposición a dexase llevar, más qu’a pretender afayar un mensaxe concretu nos testos. Una invitación a crear paisaxes mentales poperizados, rockerizados, jazzerizados, folkerizados, etc. Con esta premisa, proponemos ufiertar una voz complexa qu’acaballe sobro melodíes intencionadamente algamadices, basaes principalmente nes harmoníes vocales. Melodía, harmonía y poesía, xuna amiestu que nos lleva a nun ser acomuñaos a nengún estilu concretu, lo cual ye formosu y fatal a partes iguales.

Nel escenariu asitiáu nel Tendayu nel Museu del Pueblu d’Asturies.
Organizador: FESTEXOS
Aprecio: Entrada llibre hasta completar aforu.
Places: Apertura media hora antes del entamu de la sesión
Cuando: 4 de xunetu de 2021 a les 13:30