El Conceyu Abiertu pola Oficialidá axuntó ayeri a más de cien persones nes puertes de la Xunta Xeneral

A les 9:30 de la mañana del llunes, el Conceyu Abiertu pola Oficialidá xuntó a más d’un centenar de persones na concentración que tenía convocada delantre la Xunta Xeneral, coincidiendo cola reunión de los grupos parllamentarios pa la discusión de la reforma del Estatutu d’Autonomía.

El CAO desixó a los grupos parllamentarios qu’encaren esta reforma estatutaria con responsabilidá y que dean a la llingua asturiana el rangu que yá debería tener dende va más de venticinco años.

La llingua asturiana ye la única llingua del Estáu que nun ye oficial. Ye hora de qu’esta situación vergonzosa y discriminatoria acabe, ye necesario un Estatutu d’Autonomía que reconoza los mesmos derechos llingüísticos a tolos asturianos y asturianes, falen la llingua que falen.