Uviéu entrega los premios del XX Concursu de Rock

El conceyal de Cultura d’Uviéu apurrió los premios del XX Concursu de Rock a los miembros de Bisonte, Staytons y Gilda y los Jolmes reciben cheques per valor de 4.800, 3.200 y 1.600 euros respectivamente.

El conceyal de Cultura, Roberto Sánchez Ramos, apurrió esta selmana los premios del XX Concursu de Rock Alejandro Blanco Ciudá d’Uviéu. Los ganadores del certame, el grupu Bisonte, recibieron un cheque por valor de 4.800 euros, una cantidá que según resaltó unu de los sos miembros, Carmen Gilsanz, “van invertir na grabación d’un discu”. Esti grupu tien el compromisu d’ufiertar siquier una actuación promocional gratuita nes próximes fiestes de San Mateo.

Al recoyer el cheque de 3.200 euros del segundu puestu, Juan Vicente Prado, voceru del grupu Staytons quixo dar les gracies a la Sociedá Uvieina de Festexos “por esta esperiencia tan prestosa”. A lo último, Javier Manzanares del grupu Gilda y los Jolmes que llograron el tercer premiu dotáu con 1.600 euros, solicitó al Conceyu “que siga apostando pola música”.

La rueda de prensa remató coles palabres de ciñu del padre d’Alejandro Blanco quien animó a tolos mozos participantes a siguir nel mundu de la música.