Portada Comunicación El Comercio sedrá’l Queseru Mayor d’Asturies 2014

El Comercio sedrá’l Queseru Mayor d’Asturies 2014

by asturnet

Esti próximu 18 de Xineru entegaráse en La Foz de Morcín dempués d’él Pregón del XXXV Certame del Quesu d´Afuega´l Pitu, el nomamientu de Queseru Mayor d’Asturies 2014 al diariu xixonés El Comercio, al qu’escoyó’l xuráu del Premiu pol sofitu que dende’l suplementu “Yantar” vieno dando nestos caberos años al sector agroalimentariu asturianu.

Sigún recueye l’acta del xuráu, el premiu otorgase-y al periódicu asturianu pol llabor desenvueltu selmana a selmana sofitando tou lo que tien que ver colos quesos asturianos, nel suplementu “Yantar” (suplementu gastronómicu del decanu de la prensa española del diariu El Comerciu).

El xuráu tuvo integráu por artesanos queseros representantes de l’Asociación de Queseros Artesanos d’Asturies y miembros de la Hermandá de la Probe, pa fallar el galardón qu’añalmente convoquen y otorguen estes instituciones por cuenta de la Feria de los Quesos Artesanos d’Asturies.

En 1992, La Hermandá de la Probe y l’Asociación de Queseros Artesanos del Principáu d’Asturies alcordaron instituyir el galardón Queseru Mayor d’Asturies” pa premiar y reconocer el llabor d’aquelles persones, entidaes o instituciones que se destacaren a lo llargo de los años na promoción y defensa de los quesos artesanos d’Asturies.

Tamién te podria gustar