El cine llatinoamericanu protagoniza’l 63 festival de Donosti

El cine llatinoamericanu zarrará en Donosti una temporada valoratible tres d’algamar munchos de los premios claves de  Cannes, Venecia o Berlín. N’Euzkadi van poer vese tolos títulos culpables d’esti protagonismu del cine n’español.

Ente les munches cintes que van poer vese alcontrarase la colombiana La tierra y la solombra, de César Augusto Acevedo —Cámara d’Oru en Cannes—; la ganadora del Art Cinema de la Quincena de Realizadores de Cannes, la tamién colombiana L’abrazu de la culiebra, de Ciro Guerra; l’arxentina Paulina (La patota), de Santiago Mitre, ganadora de la Selmana de la Crítica del certame francés; la mexicana Chronic, de Michel Franco, premiu al meyor guion en Cannes; la venezolana Dende allá, de Lorenzo Vigues, Llión d’Oru va pocos díes en Venecia; la guatemalteca Ixcanul, de Jayro Bustamante, Premiu Alfred Bauer de la Berlinale; la mexicana 600 milles, de Gabriel Ripstein, Premiu Primer Película de la sección Panorama del certame alemán; la chilena El club, de Pablo Larraín, Gran Premiu del Xuráu en Berlín, ente otres munches.