El Centru Municipal d’Arte y Esposiciones d’Avilés acueye les primeres fotografíes de lliteratos españoles

El Centru Municipal d’Arte y Esposiciones d’Avilés ufierta, del 23 d’agostu al 7 d’ochobre, un percorríu inéditu pola fotografía y la lliteratura n’España. La esposición La cara de les lletres. Escritores y fotógrafos n’España dende’l Romanticismu hasta la Xeneración de 1914 inclúi escenes públiques y privaes de personaxes como Clarín, José Zorrilla, Valle-Inclán, Menéndez Pelayo, Benito Pérez Galdós, Azorín, Marañón, Ortega y Gasset y Machado.

El Centru Municipal d’Arte y Esposiciones d’Avilés (CMAE. C/Llanu Ponte, 49) acueye hasta ochobre l’amuesa La cara de les lletres. Escritores y fotógrafos n’España dende’l Romanticismu hasta la Xeneración de 1914 que, entamada pola Comunidá de Madrid, Acción Cultural Española (AC/Y), la Real Academia Española (RAE) y el Conceyu d’Avilés, ufierta la posibilidá de poner cara y averase a la persona oculta detrás d’importantes escritores españoles dende’l Romanticismu hasta la Xeneración de 1914.

L’amuesa axunta dos centenares de pieces, ente semeyes, llibros y documentos, del Romanticismu a la Xeneración de 1914. Tamién inclúi un audiovisual con rexistros sonoros y numberoses filmaciones cinematográfiques de la dómina

La esposición, comisariada por Publio López Mondéjar y por Lucía Laín como axunta, representa, n’escenes públiques y privaes, a distintos personaxes de la vida cultural española como Leopoldo Alas Clarín, José Zorrilla, Valle-Inclán, Eduardo Pondal, Galdós, Baroja, Marañón, Ortega y Gasset, Xacintu Verdaguer, Eugenio d´Ors, Rosalía de Castro, Unamuno y otros munchos.

Tamién quier ser un homenaxe a grandes fotógrafos de los sieglos XIX y XX que fueron testigos d’una dómina gloriosa de la lliteratura española, como Alfonso, Compañy, Franzen, Juliá, Kaulak, Nicolás Muller, Santos Yubero y -más cercanos a nós- Catalá-Roca y Ramón Masats, ente otros.

La cara de les lletres, que va poder visitase hasta’l 7 d’ochobre de 2018, ye la resultancia d’un estudiu refechu de la semeya fotográfica español nesi periodu y el so reflexu nel campu de la lliteratura. El conxuntu espositivu ufierta un percorríu, al traviés de los fotógrafos más relevantes del so tiempu, por más d’un sieglu d’hestoria de la fotografía y la lliteratura n’España, dende l’añu en que se fixo públicu l’inventu del daguerrotipu, en 1839, hasta los díes postreros de los miembros de la Xeneración de 1914.

Más información