El Botánicu presenta’l so nuevu Catálogu revisáu d’hongos

Esti sábadu 4 de febreru, a les 12.30 hores na sala d’Audiovisuales del Botánicu, presentose’l catálogu revisáu d’hongos con una conferencia de Enrique Rubio centrada nes principales aportaciones d’esta revisión al catálogu Asturianu d’hongos, ente les que s’inclúi xuna especie citada per primer vegada n’Europa.

Dende l’añu 2004, distintos equipos de collaboradores vienen desenvolviendo socesives prospecciones nel Botánicu destinaes a al estudiu de los hongos nel so ámbito. Y xunta les inmeyorables condiciones de nidies temperatures y eleváu mugor ambiental, la gran variedá de plantes, autóctones y alóctonas, esistentes nel Xardín Botánicu Atlánticu de Xixón, aseguren una bien rica diversidá d’hongos acomuñaos a elles. Dalgún d’ellos, inclusive, ta siendo oxetu d’un estudiu pormenorizáu para nel futuru poder ser descritu como nueva especie.

Los autores d’esti trabayu son siete (D. Enrique Rubio, D. Jesús Atieste, D. Juan Antonio Sánchez, D. Alberto Román, Dña. Marta González, D. Jorge García y D. Pedro Zapico), tando editáu pol Xardín como númberu 14 de la so publicación periódica Documentos del Botánicu y titulándolu “Catalogu revisáu de los macromicetos del Xardín Botánicu Atlánticu de Xixón”. Un trabayu que foi frutu de les continues herborizaciones que, demientres casi trés años, llevárense a cabu a lo llargo de tol añu ya independientemente de la estación, yá que esisten hongos que fructifican en plenu branu y otros que lo faen demientres l’iviernu.