El 22 de marzu entama’l plazu d’inscripciún nos Talleres Infantiles d’Avilés de Selmana Santa

El próximu miércoles 22 de marzu va quedar abiertu, hasta’l vienres 31, el plazu d’inscripciones nuna nueva edición de los Talleres Infantiles d’Avilés (TIA), que se va desenvolver mientres el periodu non lectivu de Selmana Santa, los díes 7, 10, 11 y 12 d’abril. Los talleres tán dirixíos a neños y neñes d’ente 4 y 12 años.

Van ufiertase 100 places, toes elles cola posibilidá de serviciu de comedor si asina se solicita. Tán previstes bonificaciones pa les families, en función de la renta familiar, del  30%, del 50% y hasta el 80% del preciu fitu. Tola información relativa al procesu d’inscripciones va ser publicada llueu nel portal municipal (www.aviles.es).

Los talleres van desenvolvese nos colexos públicos d’El Quirinal y Versalles, col siguiente programa d’horarios y actividaes:

Vienres 7 d’abril

7:30 h. Recepción: “Conocemos”

9:30 h. Taller de manualidades

10:30 h. Tentempié

11:30 h. Taller d’espresión corporal

12:30 h. Cine

14:00 h. Comedor / actividá

15:00 h. Xuegos de despidida

15:30 h. Despidida: “¡Bon fin de selmana!”

Llunes 10 d’abril

7:30 h. Recepción: “Espertamos”

9:30 h. Taller de perler

10:30 h. Tentempié

11:30 h. Xuegos de siempre

12:30 h. Música / Baille

14:00 h. Comedor / actividá

15:00 h. Xuegos de despidida

15:30 h. Despidida.

Martes 11 d’abril

7:30 h. Recepción: “Espertamos”

9:30 h. Xuegos d’esterior

10:30 h. Tentempié

11:30 h. Gymkana

14:00 h. Comedor / actividá

15:00 h. Xuegos de despidida

15:30 h. Despidida.

Miércoles 12 d’abril

7:30 h. Recepción: “Espertamos”

9:30 h. Taller de cocina

10:30 h. Tentempié

11:30 h. Fiesta de despidida: Runfa, enchibles y xuegos

14:00 h. Comedor / actividá

15:00 h. Xuegos de despidida

15:30 h. Despidida: “¡Vemos pel branu!”