Música Doctor Explosion regresa a Italia con una nueva xira previa a la presentación del so nuevu discu by asturnet 24 de xineru, 2005 written by asturnet 24 de xineru, 2005 36 Doce conciertos en doce díes. La banda xixonesa Doctor Explosion prepara otra vuelta les maletes pa viaxar a Italia, onde una xira intensiva tendrá ocupáu al grupu antes de la presentación del so nuevu discu y del estrenu d’una serie televisiva d’ámbitu estatal, ‘Maneras de vivir’, cuya sintonía ye obra de la banda. Según informa la productora de Doctor Explosion, los miembros de la formación musical abrirán la xira el 15 de marzu na llocalidá francesa de Motpellier, de camín pa Italia. Nesti país, los primeros conciertos tendrán llugar nes ciudaes de Trento, Lipomo y Codevilla, antes d’actuar en fin de selmana en Roma y Bari. Los restantes recitales que la banda xixonesa tien pesllaos en llocalidaes italianes cellebraránse en Taranto, Lecce, Ravenna, Brescia y Verona. El conciertu caberu sedrá’l domingu 27 de marzu y tendrá llugar -nuna sala, mesmo que les demás actuaciones previstes-, na ciudá de Piacenza. Doctor Explosion regresa a Italia un añu depués de completar una xira asemeyada a la qu’agora afronta y prepara’l relevu del so últimu discu nel mercáu, ‘Totus tuus’, un doble recopilatoriu grabáu con Subterfuge Records nel que los xixoneses repasen los 15 años que lleven yá nel mundu de la música. Según avanza la productora de la banda, los xixoneses asoleyarán un nuevu trabayu d’estudiu na prósima primavera. Executores d’un mecigayu d’estilos musicales que van dendel punk más salvaxe hastal pop más melódicu, con un soníu percontundente y cola folixa y el xaréu por principiu, los integrantes de Doctor Explosion actuaron en xunu pasáu na fiesta de promoción en Madrid de la película ‘Kill Bill 2’, a la qu’asistió el so director, Quentin Tarantino. 0 FacebookTwitterPinterestEmail Anterior Espertos europeos insisten en reclama-y al Gobiernu autonómicu la coficialidá del asturianu siguiente La Universidá abre’l plazu de matrícula pal segundu cursu d’asturianu pa periodistes Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón