‘Curiamos Avilés’ promociona una hostelería local segura

‘Curiamos Avilés’, el vídeu fin de cursu del Proyectu Avilés Audiovisual pa promocionar una hostelería local segura. El spot pon en valor l’esfuerzu por combatir la pandemia del Covid que tán llevando a cabu los restoranes, chigres y terraces de la ciudá, amás d’ufiertar servicios calidable.

“Curiamos Avilés” ye’l títulu d’un vídeu de promoción de la hostelería que realizó como trabayu de fin de cursu l’alumnáu del proyectu “Avilés Audiovisual” qu’impulsa’l Conceyu d’Avilés dende la área d’Empléu y Formación. L’audiovisual, que va ser espublizáu dende les redes sociales del Conceyu col hashtag NosCuidamosAviles”. La empresa Sport and News collaboró na preparación d’esti vídeu promocional y na formación previa de los sos ceadores. El trabayu realizáu polos 10 alumnos y alumnes del proyectu cuntó cola collaboración de la UCAYC y de l’asociación OTEA.

El Conceyu d’Avilés quier tar detrás del esfuerzu la hostelería y sofitar con recursos económicos (habilitáronse ayudes directes que beneficiaron  a más d’un millar d’autónomos, la mayoría hosteleros, con costu d’un millón d’euros), y humanos, l’actividá económico y social de la ciudá.

El video, xestáu nel marcu del proxecto “Hostelería Avilés”, y de l’acción formativa “Avilés Audiovisual”, tien como oxetivu sensibilizar a la ciudadanía pa escontra un consumu responsable y local y escuerre faenos conscientes de que podemos recuperar daqué de lo más importante que perdimos mientres la pandemia: a los demás.

Los diez persones que tán detrás d’esti trabayu, nuevos de la nuesa ciudá, punxeron la conocencia adquirida, el so enfotu profesional y el so entusiasmu, na grabación y producción para, n’unos pocos segundos, tresmitir la calidá de la nuesa ciudá y l’enerxía de les persones que viven y trabayen para ella.