Convocada la cuarta edición del concursu de proyectos empresariales “Avilés Empreses”

Esta selmana vieno acabante de ser convocada la cuarta edición del concursu de proyectos empresariales “Avilés Empreses”. L’oxetivu d’esta convocatoria ye favorecer la nacencia de nuevos proyectos empresariales n’Avilés y facilitar el so establecimientu nel Centru d’Empreses La Curtidora por aciu un premiu qu’inclúi un añu de gratuidá nel arriendu de la oficina, el desenvolvimientu de midíes que contribuyan a la so viabilidá y un serviciu d’acompañamientu personalizáu.

Amás, va apurrir a la iniciativa premiada una bolsa de viaxe para asistir al 11 Foru Européu para la Ciencia, Tecnoloxía ya Innovación, que se va celebrar en Málaga en febreru de 2022.

Los proyectos que se presenten pueden, o bien atopase en fase embrionaria, o bien tratase d’iniciatives de nuevu cuñu qu’empecipiaren la so actividá con posterioridá al 1 de xineru de 2020. Nun van poder participar proyectos promovidos en más d’un 20% por empreses presistentes.

Les idees empresariales van ser valoraes según el grau de preparación y maduror que presenten para la so puesta en marcha. Coles mesmes, va valorase positivamente que cunten con un componente innovador y/o tean rellacionaos con tecnoloxíes disruptivas, que respuendan a demandes y necesidaes a escala local, que tengan una incidencia positiva escontra l’empléu, y que tean promovidas por persones pertenecientes a los colectivos de menores de 30 años y/o mayores de 45.

Más información