Portada Música Conciertu pa finar l’aniversariu d’Ixuxú Asturies-Euskal

Conciertu pa finar l’aniversariu d’Ixuxú Asturies-Euskal

by asturnet

Mañana sábadu acaba l’aniversariu d’Ixuxú Asturies-Euskal Herria elkartea, al que se pon puntu y final con un conciertazu que va tener llugar a les 20,30 hores en La Madreña: l’actuación décimu aniversariu de Skama la Rede y la primer vegada que toquen n’Asturies los grupos vascos de ska-rock Skakeitan y rock ON!!!.

Formaos en 2003 alredor d’El Cabu Peñes, Skama la Rede ye ún de los grupos referenciales del nomáu rock ástur. El so estilu, combinación de ska con punk y folk asturianu, y les sos lletres comprometíes caracterícenlos. Los cantares de los sos trés discos d’estudiu –y cuartu en camín- cueyen más fuerza inda nel so directu arrollador y folixeru. Amás, esti 8 de febreru van cumplise 10 años dende la primer actuación en vivo de la formación.

Los donostiarras Skakeitan son una de les nueves promeses de la música vasca. La calidá del so ska-rock –heriedu de bandes mítiques como Skalariak y Betagarri- llevó-yos a triar los principales festivales vascos y a dar alredor de 30 conciertos en namás 3 meses. Con esta actuación, va sonar per primer vegada fora de Euskal Herria el so primer discu, “Ahots gabekoen ahotsa”.

Tamién va ser el primer conciertu n’Asturies d’ON, tríu formáu en 2012 por Itsaso Gutierrez, vieya conocida del euskal rock. El so estilu, un rock fondu y directu, ye complicáu de catalogar; asina lo amuesen los temes que formen el so discu debú homónimu. Un enérxicu directu ye lo que van presentar n’Uviéu.

Les entraes anticipaes van ser a 4 € y a5 € na puerta. Y los puntos de venta: El Cafeton / avilés – L’Esperteyu / uviéu – La Escuela / cangues d’onís – Judá / siero – Chigre Ochobre / l’entregu – Canteli Sidrería y C.S Sestaferia / xixón.

Páxina en Facebook d’Ixuxú

Tamién te podria gustar