Conciertu en La Pola del Tríu Mnemusine y la soprano Susana Gudín

El Tríu Mnemusine y la soprano Susana Gudín van presentar en La Pola’l programa tituláu “Ópera para toos”, formáu poles más famoses aries y obertures de la hestoria de la ópera. La cita ye esti llunes 19 de payares, a les 20.30 hores, nel Teatru Auditoriu de la localidá.

El conxuntu Mnemusine, formáu por Montse Menéndez (pianu), Laura Faya (violín) y Andrea García (violoncello), va tar acompañáu pola soprano Susana Gudín.

Esti programa ta formáu poles más famoses aries y obertures de la hestoria de la ópera. Toes elles van ser introducíes de volao p’asitiar al públicu y facilitar la escucha de les mesmes, dignes de ser esfrutaes ya interesantes en sí mesmes. Dalgunes de les obres que van interpretar son:

– Obertura de ‘El barberu de Sevilla’ (Rossini)
– Porgi Amor, de ‘Les bodes de Fígaro’ (Mozart)
– Va pensiero, de ‘Nabucco’ (Verdi)
– Tangu de la Menegilda, de ‘La Gran Vía’ (Chueca y Valverde)
– Flower duet, de ‘Lakmé’ (Delibes)
– Barcarolle, de ‘Los cuentos de Hoffmann’ (Offenbach)
– O mio babbino caru, de ‘Gianni Schicchi’ (Puccini)
– Intermezzo, de ‘Cavalleria rusticana’ (Mascagni)
– Ave María de Caccini (Vavilov)
– Cantar de Solvejg, de la ‘Suite non2 de Peer Gynt’ (Grieg)
– Summertime, de ‘Porgy and Bess’ (Gershwin)