Conceyu Abiertu celebró una xunta con representantes de la CSI

Na tarde del llunes 21 cellebróse na Casa Sindical de Xixón una xunta de representantes de la executiva de la CSI (Corriente Sindidcal d’Izquierda) y de la xunta nacional de Conceyu Abiertu. Nesa xunta espúsose, según espliquen dende CA “una perinteresante bayura de temes, dende les polítiques gubernamentales que tienen como oxetivu’l convertir Asturies nun parque enerxéticu en función de planificaciones estatales, hasta la necesidá urxente de desendolcar dinámiques unitaries de too tipu, que fructifiquen n’espacios coleutivos d’alderique y acción pa la defensa eficaz de los intereses de clase de los y les trabayadores asturianos”.

Tamién esistieron coincidencies al rodiu de que la presencia institucional “tien que ser fundamentalmente ún altavoz al serviciu de los movimientos sociales de base dientro d’una estratexa de confrontación belixerante cola clase política que gobierna Asturies”. CSI y Conceyu Abiertu falaron sobre la crisis económica y l’unidá d’acción dende la esquierda.