Portada Mundu Científicos atopen agua nun planeta fuera’l Sistema Solar

Científicos atopen agua nun planeta fuera’l Sistema Solar

by asturnet

Un equipu de científicos xaponeses paez resolver el misteriu de la composición de l’atmósfera de la ‘supertierra’ GJ 1214b, un planeta descubiertu en 2009 fuera del Sistema Solar nun proyectu que se centró na busca de mundos habitables.

Desque s’afayó la so esistencia, nun se llograra definir si la so atmósfera taba compuesta per agua o por hidróxenu. Pero el investigadores xaponeses llograron establecer a partir de la observación del planeta y de resultancies llograes con anterioridá, que la so atmósfera ye rica n’agua.

Como ferramienta, los científicos usaron l’espeyu de 8.2 metros del telescopiu Subaru, en Hawai. Los afayos señalen que GJ 1214b nun amuesa una fuerte dispersión de Rayleigh, que podría predicir una atmósfera ensin nubes y apoderada por hidróxenu. La dispersión de Rayleigh ye l’espardimientu que sufre la lluz cuando traviesa sólidos o líquidos tresparentes pero que se ve con mayor intensidá al traviés de gases.

Tamién te podria gustar