China y Estaos Xuníos tan a la cabeza del mundu de les ‘startup’

Dos empreses d’orixe chinu lideren el ranking de les empreses unicorniu con mayor valor de mercáu del mundu y les de los Estaos Xuníos siguenles bien averaes, según datos de xineru de 2020 de la consultora CB Insights que s’asoleyaron el mes pasáu.

Según datos de xineru de 2020 de la consultora CB Insights, la compañía d’esti tipu qu’anguaño lidera la clasificación global ye’l xestor de conteníos Bytedance, valorada n’alredor de 75.000 millones de dólares estadounidenses. De segundes, sígue-y la plataforma de tresporte Didi Chuxing, que’l so valor foi envaloráu en 56.000 millones. Ente les diez unicornios meyor cotizaes del mundu, cinco son d’orixe estadounidense, por casu, la empresa fabricante de pitos electrónicos JUUL Labs, valuada en 50.000 millones.

En cuanto al ecosistema startup llatinoamericanu, la primera n’apaecer nesti ranking mundial ye la fintech brasileña Nubank, específicamente na posición númberu 21 de la llista mundial con un valor envaloráu en 10.000 millones. Ello ye que Brasil ye na actualidá l’únicu país d’América Llatina representáu nesta clasificación, gracies a empreses como Wildlife Studios, iFood y Loggi, ente otres.

La consultora CB Insights defini como unicorniu a aquelles startups que’l so valor superó los mil millones de dólares estadounidenses y qu’entá nun coticen les sos acciones na bolsa.

Fuente: es.statista.com