Bob Dylan pidió vixilantes armaos nos sos conciertos n’Italia

El cantautor estadounidense Bob Dylan pidió qu’hubiera vixilantes armaos nel interior del auditoriu Manzoni de Bolonia (centru d’Italia) onde actuaba esta fin de semana.

El pidimientu llegaba tres los atentaos de París y l’alarma en toa Europa ante’l terrorismu yihadista. Y hebo policía nel esterior pa xixilar la entrada de la sala y tamién hasta 12 vixilantes armaos nel interior y una parte d’ellos, de incógnito, van tar presentes ente’l públicu. El director artísticu del auditoriu boloñés, Giorgio Zagnoni, confirmó al diariu’l pidimientu del cantante y esplicó que se contactó a una axencia de seguridá pa xixilar les entraes de la sala, l’escenariu y el camarín de Dylan, de 74 años.

“Ye la primer vegada qu’un artista pídenos reforzar d’esta manera tan consistente la seguridá. Pero vista la situación, dempués de lo asocedío en París, consideramos que’l pidimientu de Dylan yerra más que comprensible”, señala Zagnoni.