Beyoncé y Jay-Z van ufiertar un únicu conciertu en Barcelona’l 11 de xunetu

Beyoncé y Jay-Z van aterrizar n’España nel marcu de la so xira conxunta, OTR II Tour, que va entamar el próximu 6 de xunu en Reinu Uníu, y van facelo con un únicu conciertu nel Estadiu Olímpicu Lluís Companys de Barcelona, el miércoles 11 de xunetu.

La xira empieza na ciudá inglesa de Cardiff ya inclúi un total de 15 conciertos en urbes europees como Londres, Amsterdam, Berlín y París, ente otres, amás de 21 espectáculos n’Estaos Xuníos. Anque les entraes van salir a la vienta’l próximu llunes 19 de marzu, los miembros de la Beyhive (el nome col que se autodenoma la comunidá de siguidores de Beyoncé) y los suscriptores de la plataforma de música Tidal van tener accesu a la pre-vienta a partir d’esti miércoles 14 de marzu a les 9 de la mañana n’EE.XX. y a les 10 n’Europa (hora local en dambos casos).

Los veceros de Vodafone, per otru llau, tamién van poder aprovechar esti privilexu porque tolos sos planes inclúin l’accesu a TIDAL. Beyoncé yá visitó Barcelona en 2016, actuando tamién nel Estadiu Olímpicu de la ciudá condal frente a 46.000 persones, nel marcu de la xira mundial The Formation World Tour.