Barataria Teatro lleva’l monólogu ‘Solo para Paquita’ a los escenarios escoceses

La compañía entreguina Barataria Teatro, del director Roberto Corte, participa estos díes nel encuentru de teatru El Fringe (Edimburgo) con ‘Solo para Paquita’, un monólogu interpretáu pola actriz Patricia Rodríguez, nel que’l personaxe protagonista busca nel universu femenín, dende’l desconciertu y la contradicción desesperada. Pa la ocasión, la compañía asturiana va facer representación de la obra n’ingles, nuna versión de Beatriz González Carbajal, revisada por Richard Caldwell-Jones.

Depues d’exitos de públicu y crítica como ‘Hasta que la boda nos separe’ y ‘Gasolina con capullos’, pieza escrita n’asturianu pol propiu Roberto Corte a comuña col poeta Chechu García, Barataria Teatro llega a la capital escocesa con ‘Solo para Paquita’, depues de llevar ocho representaciones d’esta pieza per Asturies.