Avilés sumase al “Día de la Música” con un conciertu de 150 músicos de 6 formaciones sobro l’escenariu

Avilés va sumase al francés “Día de la Música” per segundu añu consecutivu con un conciertu de 150 músicos de 6 formaciones sobro l’escenariu de la plaza d’España, frente al consistoriu.

Van Participar la Banda de Música d’Avilés, la Banda y el Coru del Conservatorio Julián Orbón, la Coral Avilesina, l’Agrupación Polifónica Centru Asturianu y l’Agrupación Coral Amigos de Sabugo . Cola collaboración especial del gaiteru avilesín José Manuel Texedor.

Avilés sumase asina, per segundu añu consecutivu, a la celebración internacional del Día de la Música. Y failo con un conciertu’l xueves, día 21 de xunu a les 20 hores, na plaza d’España, frente al consistoriu. L’eventu, nel que van participar alredor de 150 músicos, foi presentáu por Yolanda Alonso, conceyala de Cultura d’Avilés y Carlos Galán, director del Conservatorio.

Con un coru más que l’añu pasáu, nel recital axuntarán les siguientes 6 formaciones:

Banda de Música d’Avilés, dirixida por Daniel Santos
Banda de Música del Conservatorio Julián Orbón, dirixida por Iván Cuervo
Coru del Conservatorio Julián Orbón, dirixíu por Isabel Baigorri
Coral Avilesina, dirixida por David Pérez
Agrupación Polifónica Centru Asturianu, dirixida por José Manuel Santu Medero
Agrupación Coral Amigos de Sabugo, dirixida por Elena Baigorri.

Van Collaborar, coles mesmes, antiguos alumnáu del Conservatorio avilesín, y los docentes del centru Ana Serrano (pianu), Marcos Malnero (trombón), José Morató (trompa); Javier Rubio (saxofón), Pablo Amador Carbayos (oboe), Francis Revert (percusión) y Vicente Vallet (trompeta).

Como destacó Yolanda Alonso, concejala de Cultura, “va ser un momentu pa esfrutar de los grandes talentos musicales que trabayen, enseñen y aprienden n’Avilés, y que participen nes distintes agrupaciones corales y bandes que nos estremen como xuna ciudá qu’ama y siente la música”.

Van Ser unos 150 músicos, dirixíos por Daniel Santos y Daniel Cuervu, los que se conxunten pa esfrute del públicu que s’avere hasta la plaza d’España. Amás, el recital va cuntar cola collaboración especial del gaiteru José Manuel Texedor, que va interpretar  “La Rapacina”.

La duración averada del conciertu ye d’una hora y, en casu d’agua, va treslladase al auditoriu de la Casa de Cultura, a la mesma hora.