Asturies va nel furgón de cola n’alumnos estranxeros con Galicia y Estremadura

El Principáu d’Asturies ye, con Galicia y Estremadura, la comunidá autónoma con menor porcentaxe d’alumnáu estranxero. En concretu, nel cursu 2018-2019 snamái qu’un 2,8% de los estudiantes matriculaos nel Principáu n’enseñances de réxime xeneral proveníen del estranxeru.

Del informe, que se conociera va unos díes, tamién s’esprende que con un 79,2%, Asturies ye la tercer comunidá con mayor porcentaxe de población de 20 a 29 años que completó siquier la segunda etapa de la Educación Secundaria. Encabeza la llista’l País Vascu con 85,6% y Cantabria con un 82,9. Al otru llau, col porcentaxe más baxu, tán Ceuta y Melilla con un 57,3%.

Esti ye unu de los datos qu’apurre l’estudiu Indicadores comentaos sobro l’estáu del sistema educativu español, un trabayu ellaboráu poles fundaciones Ramón Areces y l’Europea Sociedá y Educación. Esti trabayu sollerta de qu’España ye unu de los países europeos que menos inverten n’Educación, malapenes el 4% del PIB.