Asturies comerá les uves en Mieres cola retresmisión de la TPA de les campanaes dende’l Conceyu

Los asturianos y asturianes van comer les uves esta Nuechevieya coles campanaes del reló del Conceyu de Mieres, escenariu escoyíu pola Televisión del Principáu d’Asturies (TPA) pa recibir 2017 con una retresmisión en directu presentada por Ana Francisco y Pola.

La cita va ser na Plaza del Conceyu a partir de les 23.30 hores con Ana Francisco y Pola como presentadores, nun eventu que va vistir la plaza de gala pa esta tradicional cita, polo que dende’l Consistoriu animase a la ciudadanía mierense y asturiana a allegase y participar nesta retresmisión tomando les dolce uves na plaza y dando la bienvenida al nuevu añu como se merez.

La retresmisión de les campanaes va empezar a les 23.30 hores y podrá vese en TPA y al traviés de la so páxina web. Mieres va ser, por tanto, protagonista de la Nuechevieya asturiana polo qu’esa nueche toos y toes tenemos una cita ineludible pa festexar en directu y en compañía la entrada de 2017 na Plaza del Conceyu mierense.